“3 kartona të kuq dhe shumë gola”, Sadiku tregon çfarë po ndodh me Iranin në Kupën e Botës (VIDEO)

Gazetari i sportit Arlind Sadiku ndodhet aktualisht në Shtetet e Bashkuara të Amerikës, ku po zhvillohet Kupa e Botës në futboll, dhe ka ndarë përshtypjet e tij për atmosferën dhe ngjarjet që po e shoqërojnë fillimin e kampionatit.

Në një lidhje për “Kosova Today” në Klan Kosova, ai ka folur për atë që e ka bërë të veçantë këtë edicion, duke përmendur ndeshjet e para, surprizat dhe ekipet që kanë impresionuar në start.

Sadiku ka komentuar edhe situatën rreth përfaqësueses së Iranit, duke treguar një rast nga konferencat për media.

“Ka qenë interesant ajo që ka ndodhur në konferencën për media të Kombëtares së Iranit, sepse ata fillimisht kanë dashur të qëndrojnë në ShBA, por planet kanë ndryshuar në momentet e fundit dhe janë vendosur në kufi mes Meksikës dhe ShBA-së, por në territorin meksikan. Gjithashtu, në një konferencë për media para ndeshjes me Zelandën e Re,…Iranit është kërkuar që pyetjet të mos lidhen me luftën apo raportet me ShBA-në, por vetëm me futbollin dhe kampionatin botëror”, ka deklaruar Sadiku.

Çka tjetër po veçohet nga ky kampionat?