Tha se kostoja e krijimit të përmbajtjes është gati zero, gozhdohet shefi i Spotify

Shefi ekzekutiv i Spotify, Daniel Ek, ka marrë kritika të ashpra nga shumë artistë dhe dëgjues të muzikës pas komenteve të tij të fundit. Eku kishte shkruar që kostoja e të krijuarit të përmbajtjes në botën e sotme është afër zeros. “Sot, me koston e të krijuarit të përmbajtjes gati zero, njerëzit mund ta ndajnë një sasi të paimagjinueshme të përmbajtjes”, ka shkruar ai në X. Mirëpo, kjo i ka irrituar njerëzit në këtë rrjet social të cilët veçse e kanë Spotify-në halë në sy, duke e sharë që paguan aq pak për transmetimet muzikore. Madje, basistja e Primal Scream, Simone Marie Butler, i ka thënë: “P*rdhu, o miliarder larg realitetit”.