“21 Këngë të dashura për Piano” nga Agron Shujaku promovohet sot në Prishtinë

Pianisti dhe pedagogu Agron Shujaku, ka botuar librin e tij më të ri me titull “21 Këngë të dashura për Piano”, një kontribut i rëndësishëm në pasurimin e repertorit pianistik dhe ruajtjen e trashëgimisë sonë muzikore. Ky botim përmbledh një koleksion të veçantë prej 21 këngësh, që nga këngët popullore tradicionale deri te hitet e vjetra shqiptare të muzikës rock, të cilat kanë lënë gjurmë të pashlyeshme në kujtesën kolektive dhe janë pjesë e identitetit tonë kulturor. Përmes këtyre aranzhimeve, nxënësit do të kenë mundësinë të mësojnë, interpretojnë dhe përjetojnë një repertor të larmishëm, duke ndërtuar një urë mes traditës dhe formimit artistik bashkëkohor. Ngjarja mbahet nga ora 19:00, në galerinë “Kultplus”, në Prishtinë./Klankosova.tv