Llumnica për skandalin e dyshimeve për kurdisje të ndeshjeve: Më vjen mirë që ka reaguar FKK për këtë akt (VIDEO)

Analisti i futbollit, Ardian Llumnica në Sports Show në Klan Kosova, ka folur rreth dyshimeve për kurdisje të ndeshje të futbollit në Superligën e Kosovës. Llumnica tha se duhet të aktivizohen edhe akter të tjerë shtetëror në zbardhjen e kësaj ngjarje. “Uroj që  futbolli i Kosovës mos të ketë kësi dukuri negative, uroj që të mbrohet dhe duhet të bëjmë përpjekje të gjithë të ruhet integriteti i garave , sepse ka disa vite që pavarësisht se ka pas thashetheme, por prapë ka pas kampionat të rregullt  dhe ne duhet të bëjmë përpjeke që ta ruajmë integritetin e garës. Mos të harrojmë që kjo është luftë globale momentalisht në gjitha vendet, sepse futbolli cenohet nga kjo dukuri negative dhe duhet me I fut në funksion gjithë mekanizmat, por për këto nuk vjen në shprehje vetë mekanizmat e federatës, por edhe duhet edhe mekanizmat shtetëror, siç janë prokuroria hetuesia etj, në mënyrë që akterët të dalin para drejtësisë dhe madje të japin përgjegjësi edhe për prononcimet publike”, ka thënë Llumnica. Ai poashtu tha se të gjithë ata që kanë dhënë deklarata publike në lidhje me këtë çështje duhet të merren në pyetje dhe të japin përgjegjësi. Për më shumë ndiqeni videon më poshtë: