Përballje e madhe në Romë, Lazio dhe Interi në ndjekje të kreut

Atalanta e Berat Gjimshitit po vazhdon ta kryesojë renditjen tabelare në elitën e futbollit italian. Skuadra nga Bergamo ka 37 pikë nga 16 përballje kampionale, dy më shumë se Napoli i Amir Rrahmanit, që pozicionohet i dyti, njofton Klankosova.tv Kampioni aktual, Interi i Kristjan Asllanit, që ka grumbulluar 31 pikë, ka dy ndeshje më pak se dy ekipet e larcekura, andaj nëse merr maksimumin në këto ballafaqime, do të barazohej me Atalantan. Por që kjo të ndodh, "Nerazzurët" duhet fillimisht sonte ta kalojnë një pengesë shumë të madhe. Bëhet fjalë edhe për një klub që në radhët e veta ka një tjetër futbollist shqiptar. Lazio e Elseid Hysajt ka pikë të njejta me "Zi-kaltërtit" e Milanos, andaj synim kreu i tabelës është edhe për skuadrën nga kryeqyteti i Italisë. Kjo super përballje transmetohet direkt në kanalin Sport 1 të platformës kryesore shqiptare, Art Motion, me fillim në orën 20:45. Komentator, Naim Selmani!