12 vjeçari nga Mitrovica, fiton Çmim për Letërsi në Dortmund (FOTO)

Në mbarë botën mbahen gara shtetërore, për të shpërblyer fëmijët më inteligjent dhe më kreativ. Por ndonëse diçka e tillë bëhet për të zbuluar talentët e rinj vendas të mijëra shteteve të ndryshme, një të tillë në Gjermani, e mori një kosovar, njofton Klan Kosova. Është Altin Neziri ai i cili sot fitoi Çmimin për Letërsi, në qytetin miliona banorësh të Dortmundit. Altin Neziri është vetëm 12 vjeçar dhe ndjek mësimet në shtetin gjerman, derisa nga Kosova vjen nga Mitrovica, njofton Klan Kosova. Neziri fitoi çmim në Dortmund të Gjermanisë, duke kryesuar pas një konkurrence shumë të fortë, ku marrin pjesë me mijëra fëmijë. Talentin e tij, Altini e plasoi në poezi dhe tregime në gjuhën gjermane, derisa pritet që së shpejti ato të botohen në libra. Ai  për KlanKosova.tv, nuk ka përjashtuar mundësinë që një ditë temat e trajtuara nga ai ku dhe fitoi çmimin në fjalë, të përkthehen në gjuhën shqipe.