Megjithëse kanë mbetur vetëm edhe dy javë deri me 1 shtator, kur fillon viti i ri shkollor, tekstet mësimore nuk dihet se kur do të dërgohen në shkolla.
Madje në Ministrinë e Arsimit kanë dhënë krejt pak detaje se çka po ndodhë në lidhje me këtë vonesë duke theksuar se “shpresojnë” të mos kenë vonesa, raporton Klan Kosova.
Ministrja e Arsimit, Arbërie Nagavci, në një konferencë për media bëri me dije se nga ekipi që merret me kontratat për blerjen e teksteve ka mësuar se ka anomali me çmimet që shkojnë deri në 15 euro.
Nagavci u pyet nga Klani nëse mund të premtojë që me 1 shtator do ketë tekste, megjithatë diçka të tillë nuk bëri e para e dikasterit, e cila paralajmëroi një tjetër konferencë në ditët në vijim që do i kushtohet çështjeve të teksteve.
Për furnizim të shpejtë me libra një kërkesë i bëri Asociacioni i Komunave të Kosovës, të cilët kanë konstatuar se kjo vonesë mund të ndikojë në fillimin e procesit.
Kurdo që do të shkojnë në shkolla, drejtoritë janë paralajmëruar se tekste do ketë vetëm për klasat 1-5, kjo anise në fund të qershorit Klanit i ishte thënë nga Ministria se libra të reja do ketë për të gjithë nga 1 deri në 9.
https://www.youtube.com/watch?v=0r1SJKKv9h4
●●●
ASHKRIMI NGA
albert
Editorial nga Klan Kosova — ndjek video lajme dhe zhvillimet e tjera kryesore të vendit.
