Një zëdhënës i qeverisë izraelite tha se sugjerimet se IDF-ja synon punonjësit e ndihmës janë "shpifje për gjak", pasi një deputet i Partisë Laburiste bëri thirrje për hetime mbi sulmet që çuan në vdekjen e tyre.
Hamish Falconer, ministër për Lindjen e Mesme dhe Afrikën e Veriut, tha në mediat sociale se "punonjësit e ndihmës kanë nevojë për mbrojtje dhe nuk duhet të jenë kurrë në shënjestër".
Deputeti i Lincoln shtoi më pas: "Pas pranimit të përgjegjësisë nga Izraeli për sulmet e fundit në ambientet e OKB-së në Gaza, duhet të hetohen të gjitha sulmet që kanë vrarë punonjës të ndihmës, t'i mbajnë përgjegjës dhe të sigurojnë që kjo të mos ndodhë më kurrë."
Kjo ndodhi pasi Forcat Mbrojtëse të Izraelit (IDF) pranuan se trupat e tyre ishin pas sulmit në një shtëpi mysafirësh të OKB-së në Gaza muajin e kaluar, duke vrarë një anëtar të stafit. Më parë kishin mohuar përgjegjësinë.
Duke iu përgjigjur Falconer, zëdhënësi i Ministrisë së Jashtme Izraelite mohoi se IDF kishte shënjestruar punonjësit e ndihmës dhe i akuzoi ata që e sugjeruan këtë për "shpifje gjaku" - një term i përdorur në Mesjetë për të përshkruar pretendimet e rreme antisemite se hebrenjtë kryenin vrasjen e ritualizuar të fëmijëve.
"Izraeli nuk i shënjestron kurrë punonjësit e ndihmës," tha Oren Marmorstein. "Izraeli shënjestron vetëm terroristët dhe çdo sugjerim tjetër është shpifje gjaku e pastër dhe duhet të tërhiqet."
Zëdhënësi tha më pas se Izraeli "e heton veten në mënyrë transparente në ngjarjet ku punonjësit e ndihmës lëndohen tragjikisht", duke thënë se IDF "nuk u tremb nga marrja e përgjegjësisë" për sulmin në ndërtesën e OKB-së, shkruan Skyneës, transmeton Klankosova.tv.
●●●
LGSHKRIMI NGA
L. Ga.
Editorial nga Klan Kosova — ndjek lajme dhe zhvillimet e tjera kryesore të vendit.
