Zyrtari amerikan në Tiranë: Mbërrita në Shqipërinë e bukur, mbështetje për forcimin e demokracisë

Sekretari i Shtetit për Menaxhimin dhe Burimet, Richard Verma, ka nisur një vizitë pune në Tiranë. Në rrjetin social X, ai publikoi disa foto nga takimet e zhvilluara. Verma në postimin e tij thekson se ShBA-ja synon thellimin e bashkëpunimit për forcimin e demokracisë, sigurisë dhe mbështetjen e atyre në nevojë. “Mbërrita në Shqipërinë e bukur! I ngazëllyer për të filluar vizitën time dhe për të punuar me partnerët tanë për forcimin e demokracisë, sigurisë dhe mbështetjen e atyre në nevojë”, thuhet në postimin e tij në X, raporton Klankosova.tv.

Landed in beautiful Albania! Excited to begin my visit and work with our partners on strengthening democracy, security, and supporting those in need. @USEmbassyTirana pic.twitter.com/rvcZfQZx0R

— Richard R. Verma (@DepSecStateMR) January 8, 2025

Pas vizitës në Tiranë, Verma do të qëndrojë edhe në Kosovë. Siç njoftoi Departamenti i Shtetit, në Kosovë, Verma do të diskutojë “për normalizimin e marrëdhënieve me Serbinë përmes Dialogut të lehtësuar nga BE-ja, forcimin e qeverisjes dhe sundimit të ligjit, si dhe nxitjen e rritjes ekonomike dhe sigurisë energjetike për të mirën e të gjithë kosovarëve”. “Ai gjithashtu do të falënderojë Qeverinë e Kosovës për mbështetjen e fuqishme të Ukrainës dhe për ndihmën e saj për afganët në nevojë”, u tha në njoftim, raporton Klankosova.tv. Pas Kosovës, Sekretari i Shtetit për Menaxhimin dhe Burimet do të vizitojë edhe Serbinë, ku temë diskutimi do të jetë po ashtu normalizimi i marrëdhënieve të këtij vendi me Kosovën. /Klankosova.tv