Zyrtare: Projekti i Antologjisë së Beatles po kthehet këtë vit

Tani është njoftuar zyrtarisht se projekti i Antologjisë së Beatles kthehet këtë vit me një album të ri që përmban këngë të papublikuara më parë, një libër të ri, një dokumentar dhe një videoklip të ri muzikor. Bëhet e ditur se trembëdhjetë këngë të rralla dhe të papublikuara më parë do të përfshihen në një përmbledhje të re 'Antologjia 4', e para në gati 30 vjet, pasi tre të parat u publikuan midis viteve 1995 dhe 1996, transmeton Klankosova.tv Djali i producentit të Beatles, George Martin, ka rimasterizuar versionet e tre përmbledhjeve të para të Antologjisë. Të katërta do të publikohen në një set të ri në nëntor, së bashku me librin e ri "Libri i Antologjisë së Beatles - Edicioni i 25-të i Përvjetorit", i cili do të jetë i disponueshëm më 14 tetor. Libri do të përfshijë 1,300 foto, dokumente, vepra arti dhe memorabilie të tjera nga arkivat e grupit. Lista e plotë e këngëve për ‘Anthology 4’ ende nuk është zbuluar, megjithëse e dimë se do të ketë rimiksime të këngëve ‘Free As A Bird’ dhe ‘Real Love’. /Klankosova.tv