Zyra e Kurtit nënshkruan kontratë për blerje të klimave në vlerë të mbi 4 mijë euro

Zyra e Kryeministrit të Kosovës nuk do ta ketë fare problem ndryshimin e motit.

Kjo pasi që kjo zyrë tashmë e ka nënshkruar kontratën për blerjen dhe montimin e kondicionerëve të ri.

Për këtë tender, institucioni që udhëhiqet nga Albin Kurti ka ndarë një shumë prej rreth 4 mijë e 500 euro, raporton Klankosova.tv.

Sipas dosjes, vlera e kontratës ka qenë 5 mijë e 800 euro, por atë e ka fituar kompania që ka ofruar një çmim më të ultë, përkatësisht shumën prej 4 mijë e 330 euro.

Nga pesë kompani sa kanë aplikuar, tenderin e ka fituar operatori ekonomik “Eor Group SH.P.K.” dhe kontrata është nënshkruar me 1 prill. /Klankosova