Zvicër: 18-vjeçarit nga Kosova i merret patentë-shoferi në ditën që u pajis me të

Nuk i ra ta shijonte asnjë ditë. Një 18-vjeçarit nga Kosova iu mor patentë-shoferi, e atë qysh në ditën e parë që ishte pajisur me të. Kjo i ndodhi të riut të enjten e kaluar derisa ai ra në radarin e policisë së Aargaut. 18-vjeçari u ndalua për tejkalim të shpejtësisë. Ai ishte duke e vozitur një BMW të serisë së 5-të dhe i njëjti në zonën e lejuar 80 km/h kishte lëvizur me një shpejtësi prej 126 km/h. Siç thekson policia i riu në ato momente nuk posedonte patentë-shofer, por pikërisht atë ditë e kishte kaluar provimin. Më pas autoritetet atij ia morën të drejtën për të vozitur pas shkeljes së rëndë, shkruan Blick.ch përcjell Klankosova.tv