Aleatët e Izraelit në Evropë po dërgojnë ndihma për të trajtuar zjarret e ndezura, pasi kryeministri Benjamin Netanyahu e shpalli situatën një emergjencë kombëtare, duke kërkuar ndihmë ndërkombëtare.
Zjarret që shpërthyen në Jerusalem thuhet se kanë shkatërruar pothuajse 5,000 hektarë tokë, duke përfshirë 3,000 hektarë pyll, sipas Shërbimeve të Zjarrfikësve dhe Shpëtimit.
Aeroplanë zjarrfikës nga Greqia, Qiproja, Kroacia dhe Italia do të mbërrijnë për të shuar flakët në orët e ardhshme, me raporte se Ukraina, Spanja, Franca dhe të tjerë janë angazhuar gjithashtu për të dërguar ndihma, shkruan The Independet, transmeton Klankosova.tv.
Shkaku i flakëve mbetet i paqartë, megjithëse Netanyahu tha se 18 persona ishin arrestuar nën dyshimin për ndezjen e zjarreve.
●●●
AHSHKRIMI NGA
Albina Haxholli
Editorial nga Klan Kosova — ndjek lajme dhe zhvillimet e tjera kryesore të vendit.
