Zjarr i madh shpërthen në një hotel në Indi, 15 të vdekur, mes tyre dy fëmijë

Të paktën 15 persona kanë vdekur pasi një zjarr i madh shpërtheu në një hotel në qytetin indian të Kalkutës. Raportohet se disa njerëz u hodhën nga dritaret për të shpëtuar, ndërkaq të tjerë u shpëtuan nga dhomat dhe çatia e hotelit, thanë nga policia e Kalkutës. Shefi i policisë atje, Manoj Verma tha: “Numri i viktimave është rritur në 15, duke përfshirë dy fëmijë dhe një grua”, duke shtuar se një hetim ka nisur për të zbuluar shkakun e zjarrit, transmeton Klankosova.tv. Hoteli Rituraj, i cili kishte 88 të ftuar kur shpërtheu zjarri, ndodhet në një lagje të mbingarkuar biznesi në qendrën e Kalkutës.