Ndeshja kualifikuese për Kupën e Botës mes Austrisë dhe Qipros u vonua përkohësisht në minutën e 75-të, pasi një zhytje e tokës (gropë), rreth madhësisë së një topi futbolli dhe 30–40 cm e thellë, u hap pranë zonës së penalltisë së Austrisë në ‘Raiffeisen Arena’ në Linz.
Stafi i stadiumit dhe portieri Alexander Schlager intervenuan shpejt dhe e mbushën gropën me rërë, duke lejuar vazhdimin e ndeshjes pas shtatë minutash ndalese.
Kapiteni i Austrisë, David Alaba, i ‘shokuar’ tha se nuk kishte përjetuar asnjëherë diçka të ngjashme. Ndërsa, shoku i tij i skuadrës, Michael Gregoritsch, tha se gropa ishte “fat i keq”, por fajin e vendosi tek fusha. “Duhet të sigurohemi që e gjithë fusha të jetë në kushte më të mira,” shtoi ai.
Bernard Neuhold, drejtori menaxhues i Federatës së Futbollit të Austrisë, e përshkroi incidentin si “të pakëndshëm dhe kurioz,” duke sqaruar se, ndryshe nga një incident i mëparshëm në 2022, kjo nuk ishte për shkak të një defekti struktural të fushës. Ai theksoi se asnjë lojtarë nuk u lëndua, dëmi u riparua shpejt, dhe federata do të hetojë shkakun së bashku me LASK.
Përndryshe, Austria e fitoi ndeshjen me rezultat minimal 1-0 dhe mbetet në vendin e dytë në Grupin H pas Bosnjës dhe Hercegovinës./Klankosova.tv
