Zgjidhja e finalistëve, zarfi i zi, rrëfimi i Drilonit e fituesi i Range Roverit – krejt çka ndodhi në gjysmëfinalen e BBVK3 (VIDEO)

Gjysmëfinalja e “Big Brother Vip Kosova 3”, mbrëmë solli ethe, të papritura e emocione të forta. Mbrëmë u zgjodhën finalistët e parë të "Big Brother Vip Kosova 3", u bë i ditur vendimi i Vëllait të Madh për Zarfin e Zi, u zgjodh fituesi i Range Roverit si dhe vëmendje mori edhe rrëfimi emocionues i Drilonit. Prime katër orësh nisi me videon që paraqiti përplasjen mes Sarës dhe Drilonit. Sara dhe Driloni janë përplasur me njëri-tjetrin gjatë kësaj jave për shkak të një situate brenda shtëpisë më të famshme në vend. Gjatë një bisede që Driloni e ka pasur me Leon në pishinë, i ka thënë se Sara po ia ngrit nervat, kurse Driloni i tha Sarës se këtë e ka bërë për lojë. “O Drilon, seriozisht e ke tani? Ta kam bërë shumë të qartë që të mos më hidhesh poshtë, as për shkakun e lojës. Ka shumë mënyra se si mund të luash. Unë nuk të lejoj të më hedhesh poshtë”, i tha Sara, Driloni. Tutje, Vëllai i Madh mbrëmë u kumtoi banorëve të shtëpisë më të famshme në vend përmbajtjen e Zarfit të Zi. Zarfi i Zi ishte për Xuxin, Xhenetën, Drilonin dhe Leon, për disa veprime të tyre brenda. Në komunikim, Vëllai i Madh tha se nëse dikush nga katërshja e fiton çmimin e madh, atëherë do t’i zbriten 20 mijë euro. Për t’i parë këto momente, klikoni në videon më poshtë: Konkurrenti i Big Brother VIP Kosova 3, Driloni, dha rrëfimin e tij prekës, për sfidat në jetë. Ai e ka nisur tregimin e tij, nga kur ishte fëmijë, e si e ka bërë sporti një person më ndryshe. “Si fëmijë kam qenë i lazdruar, dhe vazhdojë të jem. Çka jam bërë njeri më i ftohët është sporti, kam luajtur fillimisht futboll”, u shpreh Driloni. Ai më tej tregoi sukseset që ka pasur në sportin e kickboksit, duke u shpallur kampion bote në grupmoshat e reja. Driloni vazhdoi të tregojë për qëllimin që ka në sportin e boksit. “Boksi të gërditet shpejt, është me dhimbje, me gjak, është profesion që e kam nisur dhe nuk e lë. Qëllimi im në boks është të bëhem kampion i botës”, shtoi ai. Ai gjithashtu shtoi se çka ka bërë babai i tij për të nuk beson që mundet ta bëjë për fëmijët e tij. “Për herë të fundit kam qarë kur më kanë vdekur dy gjyshëritë prej anës së babait dhe pastaj të nënës. Kanë vdekur prej Covid-19”, tregoi Driloni. Ai e ka treguar edhe një rast që i ka ndodhur me disa persona. “Më ka ngulur thikën në barkë, të kishte shkuar thika më thellë, do të kishte qenë më fatale për mua”, tha Driloni. Gjithashtu Driloni në fund të rrëfimit, potencoi se synimi i tij është të rikthehet në formën që ka qenë para se të hyjë në Big Brother, për të përmbushur qëllimin e tij. Mbrëmë u paraqit edhe videoja nga darka që u organizua për gjithë banorët që kanë prekur gjysmëfinalen. E moderuar nga Gresa, pos ushqimit, darka ishte e nxehtë edhe me pyetjet e banorëve të bëra për njëri-tjetrit. Disa pyetje ishin pikante e disa përgjigje ishin të papritura, ku nxitën debate me tone tejet të ashpra, e shumë ofendime në mes, transmeton klankosova.tv. Kujtojmë se në darkë ishin të pranishëm përveç Drilonit tashmë si finalist edhe Xuxi, Vullneti, Drenusha, Sara, Xheneta, Gresa dhe Leo. Emocionet filluan të bëheshin më të forta, kur filloi përzgjedhja e finalistëve. Finalistja e parë ishte Xheneta Fetahu, duke u renditur finalistja e dytë për këtë edicion, transmeton klankosova.tv. Ndërkaq, finalisti i tretë ishte gazetari Vullnet Krasniqi, me aktoren Sara që u shpall finalistja e katërt. https://youtu.be/KHInFMpM-rs Në anën tjetër, Gresa, Leo dhe Drenusha u eliminuan, duke mos arritur të jenë pjesë e finales së madhe. https://youtu.be/wd8Xsfwgai4 https://youtu.be/GwCk4O8Wns8 Koha i erdhi edhe momentit të shumëpritur të ‘Giveaway’-it të Big Brother VIP Kosova 3, ku u nda edhe shpërblimi kryesor, vetura luksoze ‘Range Rover’ nga Endriti Premium. E mundësinë për ta gëzuar njërin fitues nga mijëra komentues në këtë ‘Giveaway’, e pati Xuxin, emri i të cilit qëlloi në zarf. Xuxi përmes sistemit kompjuterik zgjodhi edhe fituesin fatlum, Valtrim Kadriu,  që e fitoi këtë super shpërblim, transmeton klankosova.tv. Ndiqeni videon për më shumë detaje: https://youtu.be/dynD5ER9xQ4