Zgjedhjet në Venezuelë: Partia e Nicolas Maduros mban kontrollin e legjislaturës

Partia socialiste në pushtet e Venezuelës fitoi shumicën e konsiderueshme në Asamblenë Kombëtare në zgjedhjet e së dielës, duke fituar gati 83% të votave sipas autoritetit zgjedhor, në një garë të bojkotuar nga disa liderë të opozitës mes ndarjeve të thella midis partive që kundërshtojnë qeverinë e presidentit Nicolas Maduro. Disa nga liderët kryesorë të opozitës në vend u bënë thirrje votuesve të abstenojnë në shenjë proteste ndaj rezultateve zyrtare të zgjedhjeve presidenciale të korrikut 2024, të cilat opozita thotë se i fitoi, por që autoritetet thonë se ishte fitore e Maduros, shkruan Reuters, transmeton Klankosova.tv. Rezultatet legjislative të së dielës do ta mbajnë partinë në pushtet në kontroll të zyrës së prokurorit të përgjithshëm dhe gjykatës më të lartë, anëtarët e së cilës zgjidhen nga ligjvënësit. Autoritetet nuk dhanë numrin total të vendeve që do të ketë secila parti, por emëruan 40 ligjvënës nga parti të ndryshme që kanë fituar mandate.