Zgjedhja e kolegëve: Harden, MVP në NBA

James Harden është zgjedhur lojtari më i vyeshëm në NBA, sipas kolegëve të tij. Për këtë nder, fundori i Houstonit mposhti MVP-në e ligës, Stephen Curry, të cilit NBA i kishte ndarë këtë çmim në maj, pas votimit të përfaqësuesve të medieve. Pos fundorit të Golden State, Harden mposhti edhe LeBron Jamesin, Anthony Davisin dhe Russell Westbrookun. Ish-lojtari i Oklahoma Thunder u nderua të martën, në ceremoninë e parë të "The Players' Awards", të organizuar nga shoqata e lojtarëve të NBA-së, NBPA. "Në fakt kur ta mendosh thellë, askush nuk i njeh lojtarët me mirë se vetë ne lojtarët", ka thënë Chriss Paul, kryetar i shoqatës NBPA. Harden ishte koshashënuesi më i mirë i ligës për sezonin që shkoi. Ai po ashtu, kishte minutazhën më të madhe ndërsa që ishte më i sakti në NBA edhe për gjuajtjet e lira. Fituesit e çmimeve tjera janë: LeBron James - lojtari që gjithkush do të donte ta kishte në ekip Gregg Popovich - trajneri për të cilin gjithkush do të luaj Stephen Curry - lojtari më i vështirë për t'u ruajtur Pau Gasol - lojtari me ndikimin më të madh global Stephen Curry - lojtari më i mirë performues DeAndre Jordan - mbrojtësi më i mirë Andrew Wiggins - lojtari i ri (rookie) më i mirë