Zeni Ballazhi - ushtrues i detyrës së Drejtorit të Galerisë së Arteve të Kosovës

Zeni Ballazhi është zgjedhur ushtrues i detyrës së Drejtorit të Galerisë së Arteve të Kosovës, njofton Klan Kosova.

Ministria e Kulturës e ka zgjedhur Ballazhin për këtë post me anë të një konkursi të brendshëm.

Ballazhi ka lindur në Kërçovë, Maqedoni, në vitin 1975. Studimet e Larta i ka kryer në Akademinë e Arteve Vizuale në Tiranë (Shqipëri), gjatë viteve 1993-1998, ndërsa studimet Master i ka kryer në Fakultetin e Arteve të Prishtinës (Kosovë) në periudhën 1998-2000. Pas studimeve ka kryer kurs specializimi në Artet Vizuale në “Oslo National College of the Arts”, “ONCA” në Norvegji (2000). Ballazhi ka çelur disa disa ekspozita personale (Kërçovë në vitin 1996; Prishtinë në 2000 e 2001) dhe disa kolektive në Kosovë, Shqipëri, Maqedoni, Gjeorgji, Francë, Japoni, Norvegji, Teksas, Slloveni dhe Greqi. Është kurator i disa ekspozitave të organizuara në Kosovë dhe Rajon (2003 – 2010), gjithashtu ka punuar si drejtor artistik (skenograf) në disa filma e shfaqje (Maqedoni, Kosovë, Shqipëri, Norvegji). Prej vitit 2001 punon si dizajner dhe kurator në Galerinë e Arteve të Kosovës.

Logoja e Zeni Ballazhit "100 Vjet Shtet Shqiptar" u shpall nga qevria shqiptare për përkujtimin jubliar të pavarsisë së Shqipërisë.