Zemaj: Pas ardhjes së vaksinës kundër COVID-19 presim t’i kthehemi normalitetit

Ministri në detyrë i Shëndetësisë, Armend Zemaj, ka folur sërish rreth vaksinave kundër COVID-19. Zemaj gjatë një vizite në Spitalin e Vushtrrisë ka thënë se pas ardhjes së vaksinës antiCOVID vendi do t’i kthehet normalitetit në muajt qershor dhe korrik, njofton Klan Kosova. Tutje Zemaj ka thënë se presin që gjatë këtij viti të angazhohen 1000 person staf i mesëm në spitalet e Kosovës. “Ju kemi dhënë zgjidhje shumë problemeve që kanë qenë të trashëguara. Profesionistët tanë politikat e MSH-së, arritën ta vënë në përdorim plazmën për trajtim me COVID-19. Spitali i Vushtrrisë na ka ndihmuar shumë në menaxhimin e pandemisë". "Vaksina po vjen, prioritet i vaksinimit do të jetë personeli shëndetësor dhe shpresojmë së në qershor dhe korrik t’i kthemi normalitetit në vend. 1000 persona staf të mesëm do t’i angazhojmë gjatë këtij viti”, është shprehur Zemaj.