Zemaj mburret me punën gjashtëmujore (VIDEO)

Të shtunën e fundit të këtij fundviti, ministri në detyrë i Shëndetësisë, Armend Zemaj, ia dedikoi punës së tij gjashtëmujore si menaxher i pandemisë. Kështu Zemaj vetëm një minutë pushoi së foluri, dhe atë e bëri në hyrje të konferencës për t'i nderuar mantel-bardhët dhe qytetarët e tjerë që humbën betejën me COVID-19. Pas kësaj, për më shumë se 90 minuta nuk u ndal në asnjë moment duke folur, madje as për të pirë pak ujë. Siç duket kjo për shkak të vëllimit të prezantimit që bëri sa i përket punës përgjatë gjashtëmujorit të dytë të këtij viti si menaxher i pandemisë dhe i shëndetësisë. Zemaj tha se shëndetësia duhet të trajtohet si prioritet nacional. Në këtë raport pune u bënë të ditura edhe statistikat për moshën dhe gjininë e qytetarëve të prekur, ku burrat po del që janë prekur më shumë se sa gratë, 53% me 47%. E prezantimin e gjithë kësaj e përmbylli me temën për sigurimin e vaksinës kundër  COVID-19, veç se nuk dha asnjë koment për ato doza të vaksinës që hynë të premten në veri të vendit. https://www.youtube.com/watch?v=kooQB8TVwd0

klankosova.tv