Zelensky në Stokholm për samitin e tretë Ukrainë-Evropë Veriore

Presidenti i Ukrainës, Volodymyr Zelensky, ka shkuar në Stokholm për samitin e tretë Ukrainë-Evropë Veriore.

Ai tha se shteti i tij do të bëhet më i fortë, si rezultat i mbështetjes së atyre që ai i quajti aleatë parimorë dhe të qëndrueshëm.

Zelensky tha gjithashtu se Ukraina do të forcohet edhe nga marrëveshjet e reja të sigurisë.

"Sot jam në Stokholm për samitin e tretë Ukrainë-Evropë Veriore. Prioritetet tona kryesore janë të sigurojmë më shumë sisteme të mbrojtjes ajrore për Ukrainën, projekte të përbashkëta të industrisë së mbrojtjes dhe armë për luftëtarët tanë, si dhe përpjekjet globale për të detyruar Rusinë të bëjë paqe", shkroi ai në X.

"Kam ndërmend të takohem me kryeministrin suedez Ulf Kristersson, presidentin finlandez Alexander Stubb, kryeministren daneze Mette Frederiksen, kryeministrin norvegjez Jonas Gahr Støre dhe kryeministrin islandez Bjarni Benediktsson. Ne do të zhvillojmë bisedime si në samit ashtu edhe dypalësh", tha gjithashtu Zelensky.

Ukraina do të nënshkruajë tre marrëveshje sigurie brenda një dite, duke vendosur ndihmë të parashikueshme dhe afatgjatë të mbrojtjes dhe mbështetje gjithëpërfshirëse, tha presidenti ukrainas.

"Gjithashtu do të pritem nga Madhëria e Tij Mbreti Karl XVI Gustaf i Suedisë dhe do të takohem me përfaqësues nga kompanitë e mbrojtjes", shtoi Zelensky.