Zelensky kërkon detaje të propozimit të Putinit për armëpushim më 9 maj

Presidenti ukrainas Volodymyr Zelensky po kërkon detaje të një armëpushimi afatshkurtër që Rusia i propozoi presidentit amerikan, Donald Trump, tha ai në një postim në Telegram të enjten. Presidenti rus Vladimir Putin propozoi një armëpushim më 9 maj që të përkojë me Ditën e Fitores në Rusi në një telefonatë me Trump një ditë më parë, sipas Kremlinit. "Ne i kemi udhëzuar përfaqësuesit tanë të kontaktojnë ekipin e presidentit të Shteteve të Bashkuara dhe të sqarojnë detajet e propozimit rus për një armëpushim afatshkurtër," tha Zelensky. Ndërkohë, sulmet ruse gjatë natës vranë një person në qytetin qendror ukrainas të Dnipro dhe plagosën dhjetëra të tjerë në qytetin port jugor të Odesës, ndërsa Ukraina vazhdoi të godiste objekte industriale brenda territorit rus për të dytën ditë radhazi, raporton Associated Press, transmeton Klankosova.tv.