Lajmet e fundit
Presidenti i Ukrainës Volodymyr Zelensky emëroi të dielën ish-ministrin e prodhimit të armëve Oleksandr Kamyshin si këshilltar të jashtëm për çështjet strategjike, thuhet në një dekret të publikuar në faqen e internetit të presidencës ukrainase.
Kamyshin, i cili ishte ministër për industritë strategjike dhe mbikëqyri prodhimin e armëve, dha dorëheqje javën e kaluar si pjesë e një ndryshimi të qeverisë ukrainase në një moment kritik në luftën me Rusinë.
Zelensky tha se Ukraina kishte nevojë për "energji të re" dhe urdhëroi riorganizimin më të madh të qeverisë që nga fillimi i pushtimit rus në shkurt 2022, raporton Reuters, transmeton Klankosovoa.tv.
Javën e kaluar parlamenti ukrainas votoi për të emëruar nëntë ministra të rinj, duke përfshirë ministrin e jashtëm dhe dy zëvendëskryeministra.
Të dielën, Zelensky ndërmori më shumë hapa për të rivendosur ekipin e tij dhe publikoi disa dekrete për emërimet e reja në zyrën e tij.
"Unë do të vazhdoj të punoj për industrinë tonë të mbrojtjes," tha Kamyshin në aplikacionin e mesazheve Telegram menjëherë pas emërimit të tij.
