Zeka: Ndarja e 100 eurove nga qeveria ka qenë e gabuar (VIDEO)

Kryetari i Odës Ekonomike Amerikane në Kosovë, Arian Zeka, tha në Rubikon në Klan Kosova se qeveria ka bërë gabim që i ka ndarë nga 100 euro. Zeka tha se njëra nga arsyet se pse rritet inflacioni është plasimi i tepërt i parave në treg. Ai theksoi se ekzekutivi i ka plasuar 80 milionë euro në treg, duke e vlerësuar si jashtëzakonisht të gabuar. "E thashë krejt në fillim që njëra prej arsyeve pse rritet inflacioni është për shkak të plasimit të tepërt të parasë në treg. Edhe masa prej 100 eurosh për ata që kanë të ardhura deri në 1000 euro ka qenë jashtëzakonisht e gabuar për shkak të plasimit të 80 milionë eurove në treg. Prandaj ne e kemi 14 për qind inflacionin, kurse Belgjika e ka 8 për qind. Inflacioni ynë është joproporcional në raport me vendet, prej të cilave ne importojmë," tha Zeka. https://www.youtube.com/watch?v=1EfNpqWuvBc&t=15s