Zbutja e masave të ShBA-së ndaj naftës ruse, Merz: Gabim...

Kancelari i Gjermanisë, Friedrich Merz, ka deklaruar se lehtësimi i sanksioneve mbi përdorimin e naftës ruse nga ana e Shteteve të Bashkuara të Amerikës, është "i gabuar". Duke folur gjatë një vizite në Norvegji, Merz tha se "ne besojmë se është gabim të lehtësohen sanksionet tani", shkruan BBC, transmeton Klankosova.tv. "Aktualisht ka një problem me çmimet, por jo me furnizimin", shtoi ai. "Dhe në këtë drejtim, do të doja të dija se cilët faktorë të tjerë e çuan qeverinë amerikane në marrjen e këtij vendimi". Ai thotë se Gjermania nuk do të "dekurajohet ose shpërqendrohet" nga mbështetja e saj për Ukrainën nga konflikti i Iranit.