Lajmet e fundit
Presidenti i Koresë së Jugut, Yoon Suk Yeol përballet me një përpjekje të re dhe potencialisht më të fuqishme për ta arrestuar atë për kryengritje, pasi një hetues i lartë u zotua të bënte gjithçka që duhet për të thyer një bllokadë sigurie dhe për të kapur liderin e rrëzuar nga pushteti.
Protestuesit që mbështesin dhe kundërshtojnë Yoon-in, u përballën me temperaturat e ulëta për të organizuar mitingje në rrugët rreth kompleksit presidencial të mërkurën, pasi një gjykatë rilëshoi një urdhër të martën për ta arrestuar atë, raporton Reuters, transmeton Klankosova.tv.
Shërbimi Presidencial i Sigurisë (PSS) e ka fortifikuar kompleksin këtë javë me tela me gjemba dhe barrikada duke përdorur autobusë për të bllokuar hyrjen në rezidencë, një vilë në një kodër në një lagje të pasur të njohur si Beverly Hills e Koresë.
Yoon është nën hetim penal për kryengritje mbi përpjekjen e tij të dështuar për të vendosur ligjin ushtarak më 3 dhjetor, një vendim që habiti Korenë e Jugut dhe nxiti urdhrin e parë të arrestit për një president në detyrë.
