“Ylli që ndriçon jetën tonë”, prindërit befasojnë Besën me një letër emocionuese (VIDEO)

Këngëtarja e njohur shqiptare, Besa Kokëdhima është surprizuar me një letër emocionuese nga prindërit e saj në emisionin “Sol” në Klan Kosova. Pas leximit të letrës, lotët e Besës më nuk u përmbajtën dhe ranë të lirë, transmeton Klankosova.tv. “Ndihem me fat që i kam”, u shpreh ndër të tjera artistja. Më poshtë gjeni letrën e plotë të prindërve të Besës kushtuar asaj: E dashura jonë Besa Sot zemrat tona rrahin më fort nga emocionet, sepse ky moment televiziv të dedikohet ty, yllit që ndriçon jetën tonë çdo ditë, me praninë tënde, dashurinë, mirësinë dhe dritën që përhapë kudo që shkon. Jemi prindërit më me fat në botë që kemi një vajzë si ty, briliante, e ndjeshme në shpirt, e dashur dhe gjithmonë e përkushtuar ndaj familjes. Dashurie jote për babin, mamin dhe motrat është e pafund. Besa, ti për ne je thesari më i çmuar i jetës sonë. Ti je krenaria jonë, jo vetëm si artiste e shquar, me një zë të rrallë që ka prekur zemrat e shqiptarëve në Shqipëri, Kosovë e gjithë Evropën, por edhe si njëri – fisnike, punëtore, me shpirt të pastër dhe zemër të madhe, dhe me një dashuri e kontribut të jashtëzakonshëm për strehimin, shërimin dhe mirëqenien e kafshëve, si dhe për emancipimin e shoqërisë sonë. Bukuria jote mesdhetare është pasqyrë e brendësisë tënde. Një vajzë që të gjithë e duan, sepse të gjitha i jep nga vetja, dashuri, mirësi e respekt. Falë teje ne ecim me kokën lartë dhe me zemër plot. Falë teje besojmë se bota bëhet më e mirë me njerëz si ty. Të duam pafundësisht dhe jemi të bekuar që jemi prindërit e tu Besa. https://www.youtube.com/watch?v=p82iMphxDIk