Yellen arrin në Kinë, por sa do të mund t’i rregullojë marrëdhëniet Uashington-Pekin?

Sekretarja e Thesarit të ShBA-së, Janet Yellen, ka mbërritur në Kinë si pjesë e përpjekjeve të nivelit të lartë për të rindërtuar urat në mes të dy ekonomive më të mëdha botërore. Kjo është vizita e dytë në Pekin e një zyrtari të lartë të Uashingtonit, pas Antony Blinken, prej shumë muajsh, dhe realizohet pasi marrëdhënia e dy vendeve ishte në nivel të ulët këtë vit, raporton BBC, përcjell KlanKosova.tv. Lista e pikave të përplasjes ShBA-Kinë niset me Taivanin dhe Ukrainës, te siguria kombëtare dhe tek telashet në vijimësi të tregtisë. Kjo vizitë e Yellen vjen vetëm pak ditë pas që Pekini do të frenojë eksportin e dy materialeve kyçe që përdoren për cipa kompjuterësh. Paraprakisht ajo vetë kishte deklaruar se të dyja shtetet mund të punojnë së bashku dhe kjo mund të jetë pika më e rëndësishme e udhëtimit të saj. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.