Yamal kthehet nga lëndimi, i gatshëm ndaj Athletic Bilbaos

Sulmuesi i krahut i Barcelonës, Lamine Yamal, i cili humbi ndeshjet kualifikuese të Spanjës për Kupën e Botës këtë muaj për shkak të një dëmtimi në ijë, është i gatshëm për ndeshjen e La Ligës kundër Athletic Bilbaos në Camp Nou të shtunën, tregoi trajneri Hansi Flick për gazetarët. Yamal, i cili ka qenë jashtë fushe tre herë për shkak të problemeve në ijë që nga shtatori, pritet të rikthehet nga dëmtimi, ndërsa Barça kthehet në stadiumin e saj pas dy vitesh e gjysmë, me klubin që rihap Camp Noun e rinovuar pjesërisht me kapacitet të reduktuar. “Ai punoi shumë gjatë këtyre dy javëve dhe jam shumë i kënaqur me atë që kam parë", tha Flick të premten për 18-vjeçarin Yamal, i cili u la i lirë nga skuadra e Spanjës më 11 nëntor. Raphinha, i mbetur larg nga fusha që nga shtatori për shkak të një dëmtimi në kofshë, pritet të kthehet gjithashtu, por sulmuesi tjetër Marcus Rashford është në dyshim për të shtunën pasi ka pasur temperaturë, zbuloi Flick.