Xhaka e Gjimshiti sonte në aksion, plot ndeshje të Champions në Artmotion

Platforma digjitale më gjigante televizive Artmotion, sonte do të transmetojë nëntë ndeshje tejet interesante të Champions League për adhuruesit e futbollit. Në fokus do të jenë futbollistët shqiptarë, Granit Xhakën dhe Berat Gjimshitin, që do të kenë goxha punë të vështirë përballë skuadrave të mëdha. Ndeshja kryesore e mbrëmjes luhet në “Bay Arena” mes Bayer Leverkusenit dhe kryesuesit të renditjes, Inter. Kjo ndeshje zhvillohet nga ora 21:00 dhe transmetohet drejtpërdrejtë në kanalin Sport 1 të Artmotion. Lojë po kaq interesante do të jetë edhe ajo në mes të Atalantas dhe Real Madridit. Ndeshja do të luhet po ashtu në ora 21:00 dhe do të transmetohet live në Artmotion, në kanalin Sport 2. Pos këtyre në planprogram do të jenë edhe shtatë ndeshje të xhiros së gjashtë të Champions. [caption id="attachment_2449164" align="alignnone" width="640"] Xhaka e Gjimshiti sonte në aksion, plot ndeshje të Champions në Artmotion[/caption]