Lajmet e fundit
Ministrja për Evropën dhe Punët e Jashtme të Shqipërisë, Olta Xhaçka, ka uruar Maqedoninë e Veriut për miratimin e propozimit francez, duke shtuar se kështu ka zhbllokuar perspektivën e Shqipërisë në BE.
"Më në fund rruga është e qartë! Urime Maqedonisë së Veriut për miratimin e propozimit francez, duke zhbllokuar në këtë mënyrë perspektivën tonë në BE", ka shkruar Xhaçka në Facebook.
Sipas saj, tani është momenti që të kompenzohet koha e humbur.
"Shqipëria shikon përpara, drejt fillimit të negociatave zyrtare dhe Konferencës së I Ndërqeveritare, me të njëjtin angazhim për integrimin në BE që ka treguar gjithmonë! Kanë kaluar tre vjet! Momenti për të kompensuar kohën e humbur", ka shkruar Xhaçka në Facebook.
