Xeni flet për Parashqevi Simakun: Këndova me të në vitin 1996, më nuk kisha kontakt (VIDEO)

Këngëtari Shkelzen Jetishi ka folur për kolegen e tij nga Shqipëria, Parashqevi Simaku. Në emisionin Weekend të Klan Kosovës, Xeni ka deklaruar se me të kishte kënduar në një festë të vitit të ri në Prishtinë, dhe se pati kontakt vetëm edhe një vit pas asaj ndeje që performuan bashkë dhe më nuk kishte pasë kontakt me të. Artisti shtoi se është ndjerë keq kur ka kuptuar nga rrjetet sociale se Parashqevi Simaku, kishte mbetur e vetmuar dhe pa shtëpi në rrugët e Shteteve të Bashkuara të Amerikës. "Kjo video është diku në vitin 1996 në Prishtinë, është mbrëmja e vitit të ri bashkë me Parashqevin. Kur e shoh tani këtë video, duke e pasë parasysh historinë e saj dhe përjetimet se çfarë i ndodhi, jam ndjerë shumë keq". "Të gjithë e kemi dashtë, të gjithë shqiptarët e kemi pasë yll Parashqevin, kur e kemi parë atë në pozicion ka qenë ndjenjë e keqe, më vjen shumë keq. Shpresoj t'i rehabilitohet jeta e saj personale, dhe rehabilitimi i saj në shoqëri. Nuk kam pasë kontakt me të, edhe një herë pas vitit të ri", ka thënë Xeni. /Klankosova.tv https://www.youtube.com/watch?v=qtOicEkTV_U