WFP: Asnjë ndihmë për Gazën nuk ka hyrë nga vendkalimet jugore që tre ditë

Programi Botëror i Ushqimit i OKB-së (WFP), tha në një postim në mediat sociale në X të premten se kalimet jugore për në Rripin e Gazës, ku fluksi kryesor i ndihmave kalon përmes enklavës, nuk kanë parë ndihmë për tre ditë.

Vetëm një furrë buke funksionon në Rafah, një qytet ku rreth 1.4 milionë palestinezë janë të zhvendosur dhe ushtria izraelite po përparon me një pushtim tokësor.

“Pa një rihapje të aksesit, operacionet e WFP-së do të ndalojnë ndërkohë që familjeve u mbetet pa ushqim”, tha organizata, raporton CNN, transmeton Klankosova.tv.

Diku tjetër, ka pasur mosmarrëveshje këtë javë për rihapjen e vendkalimit Kerem Shalom.

Agjencia izraelite që miraton kalimin e ndihmave humanitare në Gaza – COGAT – tha të enjten se kalimi Kerem Shalom ishte i hapur pasi ishte mbyllur për disa ditë.

Megjithatë, zëdhënësi i Autoritetit të Kalimit të Gazës, Hisham Adwan, tha të enjten se kalimi mbetet i mbyllur për të katërtën ditë radhazi.

Sipas COGAT, i hapur ishte edhe vendkalimi Erez në veri.

OKB-ja dhe agjencitë e tjera të ndihmës kanë paralajmëruar prej kohësh se nuk po arrin ndihma e mjaftueshme në Gaza, e cila përballet me një krizë humanitare.