Wenger: S'e dija që Martial ishte në shitje

Arsene Wenger do të ishte munduar që ta transferojë në Londër Anthony Martialin nëse do ta dinte se ai ishte në shitje.

Sulmuesi i talentuar kaloi tek Manchester United në çastet e fundit të afatit kalimtar, për një shumë rekord për dikë të moshës së tij, 58 milionë euro.

Francezi ka shkëlqyer në paraqitjet e tij për Djajtë duke shënuar katër gola në katër duelet e para të Premier Ligës dhe është një nga kërcënimet më të mëdha për Arsenalin, në duelin e së dielës.

Wenger që ishte i interesuar për shërbimet e sulmuesit ka bërë të ditur se atij i është thënë se sulmuesi nuk është në shitje.

“U befasova kur u shit. Edhe çmimi i transferit të tij ishte i madh”.

“Ata kanë mundur ta shesin edhe vitin e ardhshëm”.

“Unë kam biseduar, por tek Monaco më patën thënë se ai nuk është në shitje”.