Ministri i Jashtëm gjerman, Johann Wadephul, akuzoi sot Rusinë se po ndihmon Iranin të identifikojë objektiva të mundshme sulmi, duke shtuar se nuk ka mosmarrëveshje midis Uashingtonit dhe Berlinit për çështjen e luftës kundër Republikës Islamike.
Duke folur me gazetarët gjatë takimit të G7 në Francë, Wadephul tha se kishte folur me Sekretarin e Shtetit të SHBA-së, Marco Rubio, të cilit i kishte përcjellë qëndrimin e Berlinit - se Gjermania ishte gati të merrte pjesë në sigurimin e Ngushticës së Hormuzit pas përfundimit të armiqësive.
Ministri i Jashtëm gjerman beson se Presidenti rus Vladimir Putin "shpreson me cinizëm që përshkallëzimi në Lindjen e Mesme do ta largojë vëmendjen nga krimet e tij në Ukrainë".
"Kjo llogaritje nuk duhet të funksionojë për të. Ne e shohim shumë qartë se sa të ndërthurura janë këto dy konflikte. Rusia po e mbështet qartë Iranin me informacione rreth objektivave të mundshëm", tha ai. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
