Vushtrri: Katër persona rrahin një tjetër, përdoret edhe arma e zjarrit

Një rrahje mes disa personave ka ndodhur gjatë ditës së djeshme në rrugën Nacionale në Vushtrri rreth orës 16:52. Siç njofton policia, katër persona të dyshuar e kanë sulmur fizikisht viktimën mashkull kosovar, derisa ky i fundit ka pranuar tretman mjekësor. "Dyshohet se njëri nga të dyshuarit ka shtënë me armë zjarri. Në vend ngjarje nuk janë gjetur dëshmi të armës. Tre të dyshuar janë intervistuar, ndërsa i katërti gjendet në arrati. Rasti duke u hetuar", thuhet në njoftimin e policisë transmeton Klankosova.tv. Rasti po hetohet si "Përdorimi i armës&Lëndim i lehtë trupor".