Lajmet e fundit
Presidenti i Serbisë, Alleksandar Vuçiq, ka konfirmuar të martën se do të vizitojë Moskën në maj për një komemoracion për Luftën e II Botërore, duke shënuar kështu udhëtimin e tij të parë në Rusi që kur kjo e fundit nisi pushtimin e saj në shkallë të plotë të Ukrainës.
Vuçiqi e bëri këtë njoftim në një adresim publik pas një ftese që kishte pranuar nga presidenti rus, Vlladimir Putin për ngjarjen, raporton AFP, transmeton Klankosova.tv.
“Nëse nuk ndodh fundi i botës – edhe pse më nuk jam i sigurt, por shpresoj që jo – do të ishte nder i madh për mua që të jem në Sheshin e Kuq për përvjetorin e 80-të të çlirimit nga fashizmi”, tha Vuçiqi.
Presidenti serb tha se për ngjarjen ka biseduar edhe me kryeministrin sllovak, Robert Fico, i cili “gjithashtu do të marrë pjesë”.
Kremlini tha të martën se dëshiron që ta bëjë 9 majin “festën më të madhe në histori”. /Klankosova.tv
