Vritet një 65-vjeçar në Sarandë, u godit brutalisht me shishe qelqi

Një ngjarje e rëndë ka ndodhur mbrëmjen e së dielës në fshatin Gjashtë të Sarandës. Dyshohet se për motive të dobëta, shtetasi A. B., rreth 42 vjeç, ka goditur me shishe qelqi shtetasin G. B., rreth 65 vjeç, raporton Top Channel, transmeton Klankosova.tv. Si pasojë e dëmtimeve të marra, shtetasi G. B. ka ndërruar jetë në vendngjarje, në oborrin e banesës së tij. Shërbimet e Policisë shkuan menjëherë në vendngjarje dhe bënë të mundur kapjen e autorit të dyshuar, shtetasin A. B., i cili u shoqërua në Komisariatin e Policisë Sarandë për veprime të mëtejshme hetimore. Paraprakisht dyshohet se autori ishte nën ndikimin e alkoolit në momentin e ngjarjes. Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes.