Vritet 28 vjeçari në Tiranë, ishte djali i ish-gjyqtarit për Krimet e Rënda

Klajdi Prendi, 28 vjeçar është vrarë pak pas mesnatës në Tiranë me plumb në kokë dhe gjoks. Siç raporton Top Channel, viktima ishte djali i ish-gjyqtarit për Krimet e Rënda, Fran Prendi. Ngjarja dyshohet të jetë kryer me silenciator, ndërsa i riu u dërgua në spital nga miqtë e tij, por nuk mbijetoi. Pas ngjarjes, një makinë e djegur u gjet në zonën e Farkës, e cila dyshohet se i përket autorëve. Policia po heton rrethanat dhe autorët e krimit, transmeton Klankosova.tv.