Vriten dy persona në Greqi, njëri prej tyre shqiptar

Dy persona humbën jetën si pasojë e të shtënave me armë mbrëmjen e së dielës në zonën bregdetare të Finikundës. Sipas informacioneve të Euronews Albania, ngjarja ndodhi jashtë një klubi nate, ku u gjetën të pajetë dy burra. Njëri prej viktimave është shtetas grek, i cili rezulton të jetë pronari i lokalit ku ndodhi ngjarja, ndërsa viktima tjetër është me origjinë shqiptare dhe punonte në të njëjtën biznes, transmeton Klankosova.tv. Dëshmitarë në vendngjarje i kanë deklaruar policisë se autori i dyshuar është një i ri, i cili iu afrua dy viktimave dhe hapi zjarr nga një distancë e afërt, duke i lënë të vdekur në vend. Pas krimit, i dyshuari raportohet se është larguar në drejtim të panjohur dhe aktualisht është në kërkim nga forcat e rendit.