Lajmet e fundit
Një burrë që vrau djalin e tij shtatë muajsh duke e hedhur atë nga ura e Arrigonit mbi lumin Connecticut, u dënua me 70 vjet burg, të mërkurën.
Gjyqtari vendosi maksimumin e burgut ndaj 23 vjeçarit nga Connecticut ,Tony Morenos, i cili u dënua në shkurt nën akuzën e vrasjes së një të mituri, shkruan Daily Mail, përcjell Klan Kosova.
"Ana më e errët e një krimi, një baba që vret fëmijën e tij foshnje, flet vetë," tha Gjyqtari i Gjykatës së Lartë në Middeltown, Elpedio Vitale.
Policia tha se pasi e hodhi foshnjen, Moreno u hodh edhe vetë dhe u plagos rëndë, por mbijetoi. Moreno dëshmoi në gjyq se ai aksidentalisht lëshoi djalin dhe se nuk kishte për qëllim dëmtimin e tij, pavarësisht se kishte pranuar në polici se ai hodhi foshnjen nga ura.
Të dhënat në gjykatë tregojnë se Moreno shkëmbeu mesazhe në zemërim e sipër me të ëmën e foshnjes, Adrianne Oyola, në minutat para se të kërcente.
Ajo iu lut me ngulm që të mos e lëndonte djalin.
"Gëzoje jetën tende të re pa ne. Ai është I vdekur. Së shpejti do të jem edhe unë," I shkroi ai nënës së fëmijës.
Marrëdhënia e Morenos me nënën e djalit ishte bërë e tendosur në muajt e fundit, gjë që çoi në vdekjen e Adenit, sipas dokumenteve të gjykatës.
