Një ngjarje e rëndë është shënuar mbrëmjen e së shtunës në Rrogozhinë, ku një konflikt mes dy fqinjëve ka përfunduar me humbjen e jetës së një 60-vjeçari.
Sipas të dhënave të policisë rreth orës 21:50, në lagjen “Mollaj” të këtij qyteti, 25-vjeçari Meklan Meçe plagosi fillimisht me thikë fqinjin e tij Rrapush Memolla, 60 vjeç.
Si pasojë e plagëve të marra, 60-vjeçari Rrapush Memolla humbi jetën, shkruan
A2, përcjell Klankosova.tv.
Ndërkohë, autori i dyshuar, Meklan Meçe, ka pësuar dëmtime të lehta në dorë.
Policia shqiptare thotë se kanë shkuar në vendngjarje, duke bërë të mundur identifikimin, kapjen dhe arrestimin e 25-vjeçarit, i cili dyshohet si autor i ngjarjes.
Grupi hetimor, nën drejtimin e Prokurorisë, po vijon veprimet për zbardhjen e plotë të rrethanave të konfliktit dhe dokumentimin ligjor të ngjarjes.
https://klankosova.tv/vrasje-ne-rrogozhine-25-vjecari-godet-me-thike-fqinjin-e-moshuar44/
