Vrasja në Vushtrri, flet axha i Ardit Zymerit: Nuk kemi pasur asnjë të keqe me askënd

19-vjeçari Ardit Zymeri, u vra mbrëmë në Vushtrri. I dyshuar për rastin tragjik është Bleon Dibrani, i cili u arrestua nga policia. Dibrani gjatë intervistimit e ka pranuar fajësinë. Rreth ngjarjes tragjike ka folur Nysret Zymberi, axha i viktimës. Ai deklaroi se nuk e di se si ka ndodhur rasti. Sipas tij, familja nuk ka pasur asnjë të keqe me askënd. "Arditi ka qenë djali i vëllait. Informatë zyrtare nuk kemi deri tani. Nuk e dimë se si ka ndodhur, të keqe nuk kemi pasur me askënd. Nuk kemi pasur me njeri të gjallë asnjë fjalë të keqe, ne nuk e kemi pritur, e kemi ditur që e kemi një armik, por këndej nuk kemi pritur asgjë. Kjo na ka ndodhur, informatën e parë kemi marrë mbrëmë, nuk e kemi njohur dorasin, as sot nuk e njohim. Vëllai i ka edhe tre fëmijë, një vajzë edhe dy djem”, ka deklaruar ai. https://klankosova.tv/vrasja-e-19-vjecarit-ne-vushtrri-bleon-dibrani-pranon-fajesine/