Vrasja në Bibaj u krye me armë zyrtare, polici s’ishte në detyrë

Vrasja e ndodhur pranë një restauranti dasmash në Bibaj të Ferizajt, ka ndodhur me armë zyrtare, ndërsa polici s’ishte gjatë detyrës. Kjo u bë e ditur nga zëvendës-drejtori i Policisë së Rajonit të Ferizajt, Qazim Reka "Polici nuk ka qenë në detyrë zyrtare, ka qenë me rroba civile, jashtë detyrës zyrtare. Vrasja është kryer me armë zyrtare. Është armë e gjatë por jo kallashnikov. I dyshuari është F.R., ndërsa viktima është S.S.. Është arrestuar personi i dyshuar, jemi duke mbledhur informacione të tjera, për sa i përket dëshmitarëve. Viktima është bartur nga vendi i ngjarjes. Motivet për momentin nuk dihen. Besoj se IPK-ja do të del më vonë rreth motiveve. I dyshuari nuk ka qenë pjesë e ahengut", u shpreh ai. I dyshuari është është dërguar në ndalim për 48 orë, njoftoi kryeprokurori i Ferizajt Shukri Jashari, në një përgjigje për Klankosova.tv. https://www.youtube.com/watch?v=N3Tk_Bz5l5Q