Voziti 124 km/h në zonë 40 km/h, gjobitet me 400 euro shoferi - i ndalohet edhe drejtimi i automjetit

 Policia në Prishtinë ka identifikuar një kundërvajtës duke drejtuar automjetin me shpejtësi prej 124 km/h në një zonë ku kufizimi i shpejtësisë është 40 km/h. Për këtë shkelje ndaj të njëjtit janë shqiptuar masat: gjobë 400 euro, 4 pikë negative, dhe ndalim i drejtimit të automjetit për 9 muaj, transmeton Klankosova.tv. Policia e Kosovës ka apeluar tek të gjithë pjesëmarrësit në trafik që të respektojnë rregullat e komunikacionit dhe kufizimet e shpejtësisë, me qëllim të parandalimit të aksidenteve dhe rritjes së sigurisë për të gjithë pjesëmarrësit në trafik.