Von der Leyen: Shqipëria po ec me sukses për t'u bërë pjesë e BE-së

Presidentja e Komisionit Evropian, Ursula von der Leyen, ka thënë se Shqipëria është duke shkuar në rrugën e duhur për t'u bërë pjesë e Bashkimit Evropian. Ajo, në një konferencë për media gjatë vizitës në Tiranë, ka theksuar se BE-ja dëshiron zgjerimin e saj, pasi sipas saj, Evropa do të forcohet më shumë. "Shqipëria po ec me sukses për t'u bërë pjesë e BE-së. Në krye të të gjitha përparësive tona është zgjerimi, duam që partnerët tanë, fqinjët tanë të bëhen pjesë e jona që ta plotësojmë BE-në është në interesin tonë, në këtë formë do t'i jepet forma dhe pesha për të vepruar dhe për ta bërë Evropën më të madhe". "Ju gjatë gjithë kohës keni treguar përkushtimin tuaj për këtë rrugëtim e thatë me faktin se jeni në  përputhje me përgjigjën e BE-së sa i përket luftës së Rusisë të agresionit në Ukrainë, si dhe për qëndrimin tuaj për sulmet e Hamasit ndaj Izraelit, jemi në rrugën e duhur për të pritur Shqipërinë në BE", ka thënë Von der Leyen./Klankosova.tv