Lajmet e fundit
Presidentja e Komisionit, Evropian Ursula von der Leyen, ka dhënë sinjalin e saj më të qartë se është e gatshme të bashkëpunojë me partitë e së djathtës për të siguruar një mandat të dytë në punën më të fuqishme të BE-së.
Duke folur në Debatin e Mastrihtit, organizuar nga POLITICO dhe Studio Europa Maastricht, ajo tregoi se do të ishte e hapur për një marrëveshje me grupin e Konservatorëve dhe Reformistëve Evropianë pas zgjedhjeve që do të mbahen gjatë verës mbarë Bashkimit Evropian, transmeton KlanKosova.tv.
Deputetët e grupit të Konservatorëve dhe Reformistëve Evropianë të cilësuar si euroskeptikë, duke qëndruar më djathtas se centristët e von der Leyen dhe radhët e veta në Parlamentin Evropian pritet të rriten pas votimit në qershor.
Një lidhje midis ECR-së dhe Partisë Popullore Evropiane të von der Leyen mund të nënkuptojë një ndryshim të rëndësishëm djathtist për politikëbërjen e BE-së, për temat nga migrimi te legjislacioni për klimën, të drejtat e grave dhe mbrojtjen.
Si një lojë elektorale, është me rrezik të lartë: një marrëveshje e tillë mund të shpërbëjë koalicionin midis grupit të von der Leyen dhe socialistëve që tradicionalisht ka qeverisur institucionet e BE-së nga qendra. Ajo duhet ta mbajë atë aleancë të bashkuar për të fituar mandatin e saj të dytë si kryetare e Komisionit.
