Volejboll, vashat e Skenderajt një fitore larg titullit

Ekipi i Volejbollit në konkurrencën e femrave Skenderaj e ka mposhtur Dritën edhe në finalen e dytë të playoffit të Superligës A, të shtunën mbrëma.

Vashat nikoqire arritën ta çojnë në 2-0 serinë e fitoreve të këtyre finaleve, duke mposhtur "Intelektualet" me rezultat 3:1 (25:19, 13:25, 27:25, 25:20).

Drita, përveç që arriti të fitojë një set, rezistoi fuqishëm në setin e tretë, por Skenderaj ishte në nivelin më të lartë të detyrës.

Kështu, pas dy ndeshjeve të luajtura, Skenderaj po avancon 2-0 në serinë e finaleve dhe tash është vetëm një fitore larg titullit.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.