“Vlojnë” fëmijët në tubimin e Albin Kurtit në Podujevë – kërcasin tupanat (VIDEO)

E udhes do të ishte që në këtë kohë të ishin të angazhuar me detyra të shkollës, mirëpo prindërit e tyre zgjodhën që bashkë me këta vogëlushë të përcjellin fushatën e Albin Kurtit në Podujevë. Madje, fëmijë të tjerë, ishin të angazhuar të mbanin në duart e tyre të vogla pankarta me numrin e Lëvizjes Vetëvendosje. Palestra e sporteve "Hakif Zejnullahu" në Podujevë, ku Vetëvendosja vetëvendosi të mbajë tubimin e radhës për fushatë, ishte e ftohtë, mirëpo për të ngritur temperaturat e militantëve, të ftuar ishin surla e tupani. Me fëmijë që dukej se nuk e dinin as çfarë po ndodhte, zhurmë të madhe para ardhjes së Albin Kurtit e brohoritje "ALBIN BABA", salla e pritjes filloi të mbushej me deputetë të partisë në pushtet. Aktivistët i rehatonin një nga një deputetët në karriga, mirëpo për babain e Astrit Deharit, dukej se nuk kishin fort interesim. Të paktën, një foto u bë me të. Agim Bahtiri, Rozeta Hajdari, Arben Vitia erdhën para liderit të tyre, mirëpo në ftohtë, simpatizantët e tij, Albin Kurti i la të presin edhe për rreth një orë. Kurti erdhi, e fishekzjarret u ndezën menjëherë. Duke thumbuar si gjithmonë opozitën, parafolësit e tij bashkë me shfein e tyre Albin Kurtin vazhduan fjalimet e tyre deri rreth ores 21:00. E të habitur ende në mbledhje ishin fëmijët e vogël që tashme dukeshin të mërzitur nga ndeja. Me premtime të mëdha si çdo herë, Kurti përfundoi tubimin e fushatës zgjedhore në Podujevë. https://www.youtube.com/watch?v=GeNREl7Taxo